انا هـاض جـاشـي منك يامـورّد الـبـيتين
عسا الله يجملنا مع اصحابنا الغالين
وعسا من هقى فينا نجي فوق هقواته
عسا علومنا بالطيب تذكر مع الوافين
وعسا الله يرزقنا بعفوه وجناته
هذي بيتين ارسلها واحد غالي في قروب
ومدري منهي له الابيات لكنها اعجبتني
وحبيت اجاريها بهالأبيات
انا هـاض جـاشـي منك يامـورّد الـبـيتين
وقـمـت العـب بـفـكـري وارتـب من ابـيـاته
احـب القصيد اللي يجي قاف ومعناً زين
احـبـه واقـوم الـعـب عـلـى طــرق جـزلاته
احـب الـهـنـوف الريم مدعـوجـة العـيـنين
هـنـوفـن لنـاعـم عـودهـا الـغـض مـيـلاته
واحـب القَـنـص والبر في كل وقـت وحـين
ولـي فـالـخــلا قـلــبن تــولــع بــســجــاته
واحب النشاما اللي في ساعَ اللزوم تبين
رجـالـن مــعــك فـي لـين وقــتــك وشــداته
حدن لا زهـمـتـه حط لازمـك صـوب الـعين
كـما الـحر الاشـقـر يـطـربـك فـي مهـداته
ولو حاجتك فاقصى المشارق تعدا الصين
يهـون البعـيد الصعـب وتقصر مسافاته
وربي رزقـني الطـيـب في ربعـي الادنين
رجـالـن نـشاما شـف قلـبـي ومـشـهـاته
ناصر القنعير
